Kommunikasjonsdirektør Eilif Fjon orienterte om direktoratet sine oppgåver.
Maritime CleanTech West (MCTW) er ein uavhengig organisasjon som arbeider med arena- og nettverksbygging for å skapa framtidsretta, innovative og konkurransedyktige løysingar innan maritim sektor som reduserer miljøskadelege utslepp til luft og sjø. MCTW representerer den petromaritime klynga i regionen Bergensregionen /Sunnhordland/Haugesundsregionen. Blant deltakarane er bedrifter som Wärtsila, Apply, Kværner, DNV, Bergen Group, reiarlag og forskingsmiljø.
MCTW ønska å høyre om utfordringar for hybride og fullelektriske løysingar sett frå Sjøfartsdirektoratet sin ståstad. Direktoratet redegjorde for prosessane knytta til innføring av ny teknologi, blant anna utfordringar med regelverksendringar og utvikling av miljøkrav til den maritime næringa.
- Vi er veldig glad for at bransjen tar kontakt for å sjå på felles utfordringar knytta til utvikling av den maritime næringa, seier kommunikasjonsdirektør Eilif Fjon.